Firefox-ბრაუზერის მისალმების გვერდები ხელმისაწვდომია გარკვეული თარიღის მიღწევის შემდეგ და გეხმარებათ, სრულყოფილად გამოიყენოთ Firefox. ვრცლად, იხილეთ ხ.დ.კ.

რას წარმოადგენს?

როცა გახსნით Firefox-ბრაუზერს გარკვეული თარიღის მიღწევის შემდეგ — ვთქვათ, მეხუთე დღეს ბრაუზერის ჩამოტვირთვიდან ან საიუბილეო ერთი წლის თავზე, მას შემდეგ რაც Firefox-ს შემოუერთდით — იხილავთ ასეთ გვერდს ახალ ჩანართში. მას ეწოდება Firefox-ბრაუზერის მისალმების გვერდი.

რისთვის ვხედავ Firefox-ბრაუზერის მისალმების გვერდს?

Firefox გაჩვენებთ მისალმების გვერდს დაყენების დასრულებისას ან ახალი პროფილის შექმნისას, ანდაც გარკვეული ხნის გამოყენების შემდგომ, სხვადასხვა დროს, როგორც Firefox-მომხმარებელს. ამ გვერდების მეშვეობით, უკეთ გაეცნობით Mozilla-ს სხვა პროდუქტებსა და მომსახურებებს, პირადი მონაცემების სრულყოფილად დაცვისთვის ინტერნეტში.

შეიცავს Firefox-ბრაუზერის მისალმების გვერდი რეკლამებს ან დაფინანსებულ მასალას?

არა, არასდროს. ამ გვერდებზე, მხოლოდ Firefox-ის შესაძლებლობებია მოცემული.

რის მიხედვით ხდება Firefox-ბრაუზერის მისალმების გვერდების მოწოდება?

Firefox-ბრაუზერის მისალმების გვერდის შიგთავსი მოგეწოდებათ, თქვენი უახლესი Firefox-ის მონაცემების მიხედვით ანაწყობზე, ენაზე, საოპერაციო სისტემაზე, რომელზეც აყენია და Firefox-ის სახეობაზე (როგორიცაა Nightly, Developer Edition, Beta ან ჩვეულებრივი). არაა დამოკიდებული თქვენს ქცევაზე ან პირად მონაცემებზე.

თუ გინდათ უკეთ გაიგოთ, იხილეთ დაწვრილებით:

• Firefox დროდადრო იღებს Firefox-ბრაუზერის მისალმების გვერდების ნაკრებს სერვერიდან. ეს ნაკრები ერგება თქვენი Firefox-ის ტექნიკურ მახასიათებლებს, მათ შორის ვერსიას, ენას და გავრცელების არხს.
• როცა Firefox-ს ხელახლა გაუშვებთ Firefox-ბრაუზერის მისალმების გვერდის მიღებისთვის საჭირო დროს, Firefox თავადვე გახსნის ახალ ჩანართს ამ ვებგვერდით.
• თუ გსურთ უარი განაცხადოთ ყველა შემოთავაზებაზე Firefox-ისგან, აღარ იხილავთ Firefox-ბრაუზერის მისალმების გვერდს, სანამ არ შეცვლით პარამეტრებს და კვლავ არ დაუშვებთ შემოთავაზებებს. იხილეთ ვრცლად, როგორ განაცხადოთ უარი ამგვარ გვერდებზე.

რა მონაცემები გროვდება და როგორ შემიძლია გაზიარებულ ინფორმაციაზე ზემოქმედება?

Firefox-ის პირადულობის განაცხადი ზუსტად ხსნის, Firefox-იდან რა ინფორმაციას იღებს Mozilla, მათ შორის ტექნიკური და გამოყენების ნაგულისხმევ მონაცემებს, რომელსაც Firefox იყენებს წარმადობის გასაუმჯობესებლად, ნაგულისხმევი საძიებო სისტემის დასაყენებლად და Firefox-ბრაუზერის მისალმების გვერდების საჩვენებლად. ჩვენ აღვრიცხავთ მონაცემებს, თუ რამდენჯერ გამოჩნდა ეს გვერდი და ისარგებლეს თუ არა მისით. თუმცა, ეს ინფორმაცია არაა დაკავშირებული სხვა რომელიმე ტექნიკურ ან გამოყენების მონაცემთან თქვენს ან თქვენი Firefox-ის შესახებ.

არ მომწონს Firefox-ბრაუზერის მისალმების ზოგიერთი გვერდი. რა მოვიმოქმედო?

თუ არ მოგწონთ Firefox-ბრაუზერის მისალმების გვერდი, შეგიძლიათ უბრალოდ, დახუროთ. თუ გსურთ დამალოთ Firefox-ბრაუზერის მისალმების ყველა გვერდი, მაშინ საჭიროა პარამეტრების შეცვლა. Firefox-ბრაუზერის მისალმების გვერდების დასამალად, იხილეთ მითითებები ქვემოთ .

როგორ დავმალო Firefox-ბრაუზერის მისალმების გვერდები?

თუ გირჩევნიათ არ იხილოთ Firefox-ბრაუზერის მისალმების გვერდები, შეგიძლიათ დამალოთ. მათ გამოსაჩენად, გამოიყენება შემოთავაზებების პარამეტრები.

დასამალად, გააკეთეთ ასე:

გახსენით Firefox და მისი პარამეტრებიპარამეტრები .

1. მენიუს ზოლზე ეკრანის ზემოთა არეში, დაწკაპეთ Firefox და აირჩიეთ პარამეტრები ან მახასიათებლები თქვენი macOS-ვერსიის შესაბამისად.დაწკაპეთ მენიუს ღილაკზე და აირჩიეთ პარამეტრები.
2. მთავარ განყოფილებაში იხილეთ გვერდების მონახულების არე.
3. მოხსენით მონიშვნა გაფართოებების შემოთავაზებები გვერდების მონახულებისას და აგრეთვე, შესაძლებლობების შემოთავაზებები გვერდების მონახულებისას (ორივეს უნდა მოეხსნას).

   

Firefox-ბრაუზერის მისალმების გვერდები ხელმისაწვდომია ჩემი ქვეყნისთვის?

Firefox-ბრაუზერის მისალმების გვერდები, მხოლოდ გარკვეული ქვეყნებისთვისაა ხელმისაწვდომი.