Widźiće tutu zmylkowu zdźělenku, hdyž Firefox startujeće?

Tutón zmylk nastawa, hdyž Firefox k dataji datoweje banki, kotraž zapołožki a přehladowansku historiju (places.sqlite) a přisłušne sydłowe symbole (favicons.sqlite) składuje, přistup nima. Tutón nastawk móžne rozrisanja wobsahuje.

Jeli zmylkowu zdźělenku horjeka njewidźiće, spytajće město toho jedyn z tuteju nastawkow:

• Zhubjene abo falowace zapołožki wobnowić
• Zapołožki njedadźa so přidać, změnić abo składować

Rozrisanje 1: Waš ličak znowa startować

Najhusćišej zawinje za tutón zmylk stej druhi program, kotryž dataju wužiwa, abo problem z dataju, kotryž je so zawinował, hdyž ličak je so njejapcy wupinył (na přikład njedostatka miliny dla). Dobra powěsć je, zo zwjetša znowastartowanje wašeho ličaka a potom znowastartowanje Firefox wobaj problemaj rozrisuje.

Rozrisanje 2: Nowu datowu banku wutworić

Jeli znowastartowanje wašeho ličaka problem njerozrisuje, móžeće problem snano rozrisać, hdyž daće Firefox nowu datowu banku za zapołožki, přehladowansku historiju a fawikony za was wutworić. Žadyn strach, njeje tak ćežko kaž klinči.

Dźěl 1 – Waš profilowy rjadowak wočinić

1. • Klikńće na menijowe tłóčatko , potom na Pomoc a wubjerće Informacije za rozrisowanje problemowWubjerće z menija Pomoc Informacije za rozrisowanje problemow Rajtark Informacije za rozrisowanje problemow so wočini.
   • Klikńće pod wobłukom Zakłady nałoženja pódla profiloweho rjadowakarjadowaka na Rjadowak wočinićW Finder pokazaćRjadowak wočinić. Wokno so wočini, kotrež waš profilowy rjadowak wobsahuje. Waš profilowy rjadowak so wočini.
   Pokiw: Jeli njemóžeće Firefox wočinjeć abo wužiwać, slědujće instrukcijam w nastawku Waš profil namakać, bjez toho, zo by so Firefox wočinił.

Wostajće profilowy rjadowak wočinjeny – přeńdźe k dźělej 2.

Dźěl 2 – Nowu datowu banku wutworić

1. (Opcionalne) Zawěsćensku dataju zapołožkow wutworić.
2. Klikńće na meni Firefox a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox a wubjerće Skónčić. Čakajće, doniž Firefox njeje so dospołnje skónčił.
3. Pytajće a zhašejće (abo přemjenujće) dataji favicons.sqlite a places.sqlite.
   • Móžeće dataju přemjenować, město toho zo byšće ju zhašał, zo byšće ju jako zawěsćenje wobchował. Klikńće z prawej tastu a wubjerće Umbenennen z menijaKlikńće na nju jedyn raz, zo byšće ju wubrał, klikńće druhi raz na datajowe mjeno, zo byšće ju wobdźěłujomnu činił a přidajće potom kóncej jeje mjena kóncowku .old.
4. Zhašejće tež dataje favicons.sqlite-shm, favicons.sqlite-wal, places.sqlite-shm a places.sqlite-wal, jeli eksistuja.
5. Startujće naposledk Firefox znowa.
   • Hdyž so Firefox zaso wočinja, wutwori nowej dataji favicons.sqlite a places.sqlite datoweje banki. Waša přehladowanska historija so zhubi, ale Firefox waše zapołožki z najnowšeje dataje w rjadowaku bookmarkbackups wobnowi.
   • Jeli waše zapołožki njejsu so wobnowili, wupruwujće kroki w nastawku Zhubjene abo falowace zapołožki wobnowić.

Pomoc! To njeje tutón problem rozrisał

Jeli rozrisanja horjeka njejsu fungowali, móžeće snano problem z nowym profilom Firefox rozrisać. Móžeće tute instrukcije wužiwać, zo byšće nowy profil Firefox załožił a jón jako standardny profil nastajił. Hdyž Firefox znowa startujeće, wočini so z nowym profilom a bóh dał, zo zmylkowu zdźělenku hižo njewidźiće. Móžeće potom wažne daty do noweho profila kopěrować a, jeli trjeba, zapołožki ze zawěsćenskeje dataje wobnowić, jeli tajku maće.