Što su barbowe kombinacije?

Započinajo z wersiju 94 Firefox móžeće swoje přehladowanske dožiwjenje z 18 powabnymi nowymi barbowymi kombinacijemi přiměrić, kotrež su so ze starosćiwosću w partnerstwje ze specialistom za industrijne barby wutworili. Kóžda barbowa kombinacija swójsku přitřihanu charakteristiku předstaja. Namakajće z našej paletu barbu, kotraž so wam lěpje hodźi.

Kak mam přistup k barbowym kombinacijam?

Eksistowacy wužiwarjo móžeće so ze aktualizowanskej zdźělenku za barbowe kombinacije rozsudźić. Hdyž so na Firefox 94 aktualizuje, zdźělenka so zjewi, z kotrejž móžeće so za wuběr barbowych kombinacijow rozsudźić.

Nowi wužiwarjo móža na podobne wašnje tute nowe dožiwjenje wužiwać a wjedu jich přez přiměrjenski proces. Přidatna zdźělenka za wuběranje barbowych kombinacijow so do powitanskeho dožiwjenja integruje. Tuta zdźělenka budźe jenož widźomna, hdyž Firefox 94 prěni raz sćahujeće.

Móžu swój wuběr aktualizować?

Dźiće do Přidatki and drasty w nałoženskim meniju Firefox, zo byšće sej swoju wubranu barbowu kombinaciju wobhladała abo ju změnił. Klikńće na menijowe tłóčatko , potom na Přidatki a drasty a wubjerće Drasty. Wokno Drasty budźe nowy a ekskluziwny wotrězk za barbowe kombinacije wobsahować, kotrež móžeće lochko zmóžnić abo znjemóžnić. Móžeće tež druhu drastu wubrać abo standardnu systemowu drastu wobnowić (hlejće Drasty rjadować za podrobnosće).

Kak dołho su tute barbowe kombinacije k dispoziciji?

Tute barbowe kombinacije su we wersijach 94, 95 a 96 Firefox k dispoziciji, ale móžeće přistup k barbowej kombinaciji wobchować, kotraž je zmóžnjena, hdyž na Firefox 97 aktualizujeće. Waša najlubša barbowa kombinacija w Přidatki a drasty k dispoziciji wostanje, hromadźe ze wšěmi wašimi druhimi zainstalowanymi přidatkami a drastami.

Wot Firefox 97 sem, móžeće nowe barbowe kombinacije wubrać, kotrež su k dispoziciji. Hlejće Što je nowe za barbowe kombinacije? za dalše informacije.